MR~friends

föstudagur, september 29, 2006

Kveðja frá Washington D.C.
Vildi bara segja halló. Hef það nokkuð gott hérna hjá mömmu og pabba. Ákvað að vera mikill túristi í Washington þar sem að þetta er eflaust síðasta skipti sem ég kem hingað í langan tíma. Mér finnst eiginlega ekkert skemmtilegra en að labba um og vera úber mikið túrista-nörd! Er líka búin að fara þrisvar sinnum í bíó og ALLAR myndirnar voru frábærar, geri aðrir betur. Sá fyrst Last Kiss (Zach Braff úr Scrubs) sem var ferlega sæt. Svo sá ég Little Miss Sunshine (fullt af góðum leikurum) sem var frábær, ein af mínum uppáhaldsmyndum svei mér þá. Og síðast en ekki síst sá ég Science of sleep (Gael García Bernal, Michel Gondry leikstýrði). Hún var mjöööög spes en samt góð.
Síðustu daga er ég búin að vera að hjálpa mor og far að pakka og þess háttar vesen. Svo er ég búin að kaupa næstum allar jólagjafirnar! Hef aldrei gert það áður, er alltaf í stressi að kaupa gjafirnar heima á Íslandi, en núna var ég voðalega skynsöm.
Eruði ekki í stuði?
Knús, Hildigunnur hæna.

Hildigunnur at 17:12

þriðjudagur, september 26, 2006

Women - Know your limits!

Stelpur, lærið hvernig þið eigið að haga ykkur hér ;)

Ég var líka búin að setja inn myndir frá því á föstudaginn...

Snilldarmyndin sem Sverrir tók :) ...

...rosa fínar...

...og svo ein af prinsessunni...nýju frænku okkar Bryndísar! :)

~~~~~~~~~~~~~~~~~
Anna Lísa

P.s. Ásgerður...við erum farnar að bíða spenntar eftir fréttum frá Norge! ;)

Anna Lisa at 15:35

mánudagur, september 25, 2006

...Inconvenient truth...

Fór í bíó í gærkvöldi á myndina með Al Gore, Bandaríkjaforsetaframbjóðanda, Inconvenient truth. Þar fjallar hann um þau áhrif sem mikla CO2 losun okkar jarðarbúa hefur á líf okkar..og er byrjuð að hafa..og mun stefna í óefni ef við jarðarbúar hugsum ekki okkar gang..mæli eindregið með henni fyrir alla sem eru á einhvern hátt ekki alveg sama um líf okkar, dýranna og umhverfið sem við lifum í...og hananú segi ekki meir, þið verðið bara að sjá hana..eins og segir er þetta "óþægilegur sannleikur".

Marta María at 20:42

laugardagur, september 23, 2006

Laugardagur 23. september

..búin að vera eitthvað að vinna í ritgerðinni minni síðustu daga í frumulíffræði II...hún heitir Toll like viðtakar, danger model og multiple sclerosis. Áhugasamari geta haft samband við mig...

..nú styttist í Köben hjá mér, hlakka þvílíkt til...verð samt að reyna að vera öguð með kortin..*bling*bling*...

..er búin að vera að setja FULLT af tónlist inn á ipodinn minn, og samt aðeins hálfnuð með plássið...ef einhver á góða geisladiska sem mig langar að setja inn á græjuna mína þá má sá hinn sami láta mig vita...

..ekkert rosalega skemmtilegt blogg en mér er alveg sama haha...

Over and out...

Marta María at 19:00

miðvikudagur, september 20, 2006

Hæ allir saman!

Nokkrir hugleiðingapunktar sem er víst betra að vita ekki...(fengið að láni frá Sollu;)

1) Eftir eins tíma sundferð hefur þú komist í snertingu við hálfan lítra af þvagi.

2) Á meðaldegi kemst þú í óbeina snertingu við 15 tippi, t.d. við að taka í hurðarhúna.

3) Árleg neysla meðalmanneskju á skyndibitamat inniheldur 12 kynfærahár.

4) Á einu ári gleypir þú 14 skordýr í svefni.

5) Á einu ári heilsar þú með handabandi 11 konum sem hafa nýlega "snert sig" og gleymt að þvo sér um hendurnar.

6) Á einu ári heilsar þú með handabandi 6 körlum sem hafa nýlega "snert sig" og gleymt að þvo sér um hendurnar.

7) Flestir karlmenn þvo alls ekkert á sér hendurnar eftir að hafa verið á klósettinu. Veltu því fyrir þér næst þegar þú ert á barnum og færð þér hnetur úr skálinni á barborðinu.

8) Í meðalbrúðkaupi hefur þú hundrað möguleika á að smitast af frunsu frá einum gestanna.

9) Þú andar daglega að þér hálfum lítra af endaþarmsgasi frá öðrum.

10) Tannlæknar telja að tannburstar verði að vera í a.m.k. tveggja metra fjarlægð frá klósettskálinni til að sýklar í loftinu frá skálinni festist ekki á burstunum.

11) Þú eyðir sex mánuðum lífs þíns á klósettinu.

12) Ef þú nagar neglurnar innbyrðirðu meira magn sýkla en ef þú sleiktir hreina klósettskál.

....þetta var nú hressandi fannst ykkur ekki? :) Allavena fannst mér það.

Miðað við punkt nr. 1 þá kemst ég allavena í snertingu við svona 2 lítra af þvagi á viku...kannski er minna um þvag í Sundhöll Reykjavíkur en í Laugardalslaug...ætla að athuga það á morgun hahaha

..átti eitt skemmtilegasta msn-samtal mitt hér áðan...þannig var að ég var að tala við Sollu svakalegu tæknivæddu..og svo bauð hún mér að sjá sig í vefmyndavélinni sinni...OK...svo birtist hún (í svona slow motion)....og vinkar, mjög fyndið, og svo fer hún að troða einhverri forsíðu á bók/hefti í linsuna...nú ég hugsaði um stund.."ekki er hún að sýna mér forsíðu með e-m berum körlum!?..."..en nei þá var þetta íslenskubók í EDDU...og ég sagði við hana hvað ég hefði haldið að þetta væri....heyrðu mig nú, þá fer mín í burtu og nær í stórt almanak fyrir árið 2007 af berum Hawai karlmönnum og bara ALLT í linsuna takk fyrir...hahahahahahahahaha...æææææ...hahahahahahahaha

Þið eruð frábær!

Marta María at 22:50

mánudagur, september 18, 2006

Mánudagskvöldið 18. september..

Hæ, hvað segiði? Helgin hjá mér var fín, hitti nokkra vinnufélaga frá RUST. Gróflega var þetta gert: partý, borðað, sing-star, annað partý, hlustað á Modern talking (einn af þeim geisladiskum sem ég tók með mér þar sem ég vissi af fátæklegu geisladiskasafni íbúðareiganda ;) ) en fólk tók ekki alvarlega þessari tónlist..skil það ekki hahaha. Svo var haldið í bæinn og rölt á þónokkra staði...kíkið á bloggið hjá Sollu svakalegu til að sjá myndir, hún er svakalegur ljósmyndari hehe.

Fyrir viku síðan var ég svo í fyrsta verklega tímanum mínum í Tilraunadýrum og vísindarannsóknum. Við höfðum lifandi, sætar, hvítar og forvitnar mýs sem við æfðum okkur að taka upp á skottinu, þrýsta upp við búrið og svo ná taki á hnakkadrambinu, svo sprautaði dýralæknirinn (kennarinn) deyfingu, róandi og svæfandi í e-r mýs, svo æfðum við okkur að sprauta í æð í skottinu á greyjunum og kennarinn sprautaði á ýmsum stöðum og loksins krufði eina. Þetta var mjög fróðlegt, og næst verða það lifandi rottur...þær reyna víst ekki að bíta eins mikið og mýsnar er mér sagt...

Annars var ég að setja inn myndir frá tjúttinu 8. september...þær voru nú reyndar ekki margar..en e-ð er betra en ekkert ekki satt?

Marta María at 23:19

laugardagur, september 16, 2006

Þetta kallast að vera professional....eða ekki! ;)

Annars er ég bara búin að hanga heima í dag...er að spá í að stökkva út í sjoppu, kaupa nammi, leggjast undir sæng og glápa á sjónvarpið! :)

...það væri nú gaman ef e-ð af þessu væri í sjónvarpinu í kvöld! ;)

Anna Lisa at 20:58

þriðjudagur, september 12, 2006

Myndir

Ég setti inn myndir á myndasíðuna okkar í gær. Ég sendi ykkur e-mail með leiðbeiningum til að skoða þær! ;)

Svona til að hita okkur upp fyrir Magna-vökuna hjá Hildigunni í kvöld þá er hér grein af netinu þar sem verið er að skrifa um þátttakendurna sem eftir eru og það eru alls ekki slæmir dómar sem Magni okkar fær!
(Byrjar rétt fyrir neðan miðju ef þið nennið ekki að lesa alla greinina! :Þ)

Sjáumst í kvöld! :)
Anna Lísa

Anna Lisa at 15:56

laugardagur, september 09, 2006

Tjééélllllingarnar fara að skemmta sér!

Takk fyrir gærkvöldið stelpur, þetta var svaka stuð hjá okkur!;) Fyrir þá sem ekki voru á staðnum þá byrjaði kvöldið á Sólon þar sem við borðuðum góðan mat (ætluðum á Vegamót en allt upptekið þar), síðan var farið á "pöbbarölt" og stefnan tekin á Hressó þar sem hlustað var á gítarspil og að lokum daaaaannsssaðð...

Á hressó voru margir hressir, hittum m.a. þýska njósnarann Silviu og hennar föruneyti og ef ég sá rétt þá var vinur hennar kominn úr að ofan fyrir hana.."Silvia, hvað er í gangi!!??" haha;)

Á hressó voru líka sumir ENN ÞÁ hressari eins og t.d. parið sem var upp um alla veggi, gólf og loft að "faðmast/dansa" eða hvað sem þessi gjörningur var og djö...tjéeelinginn steig á löppina á mér..hehe

Þá skildu leiðir þar sem Kristín og Ósk fóru heim en við hinar kíktum á Vegamót og Celtic Cross..

Á heimleið var keyptur ís í aktu taktu og ég var við það að sofna ofan í ísdolluna..zzzzzzz

Í dag fór ég svo í sund..það er svo gott..nema ég þoli ekki þegar sundgleruaugun fara að leka og ég þarf að stoppa í miðri lauginni til að lagfæra þau, og reyni að troða marvaða á meðan (eða heitir það ekki það?!) sem ég var aldrei neitt sérstök í hér í gamla daga....fannst skólasund ekki mitt uppáhald..af hverju mátti ég ekki synda bringusund án þess að verið væri að taka tímann..?!Hef aldrei skilið þetta!

En það er skemmtileg stemning í sundi...í síðustu viku fórum við systir mín í laugardalslaugina, eins og alltaf, og þá var kalt í veðri..og maður gjörsamlega pínir sig í að hlaupa frá sundlaugarhúsinu og svo ofan í...eftir sundið vorum við bara svona að slaka á í lauginni þegar við heyrum þvílíkan karlasöng "Öxar við ána, árdags´..." o.s.frv. koma frá einum heita pottinum, við vorum greinilega í sundi á þeim tíma þegar gömlu karlarnir hittast...en þetta var mjög gaman og frábært að geta sungið eins og ekkert sé kl. 9 um morgun!

Annars held ég að þetta sé orðið ágætt í bili hjá mér...
M&M með hnetum

Marta María at 21:22

föstudagur, september 08, 2006

MITT FYRSTA BLOGG!!!!
Verið góðar, þetta verður eflaust ekki mjög góð færsla. Ummm.... hvað ætlaði ég að segja? Já! Ætla að bjóða ykkur í saumó/Magnavöku í næstu viku. Hvort viljið þið hafa það þriðjudag eða miðvikudag? Þeir sem ekki nenna að vaka eftir Mr. Magnificent geta bara mætt í saumó. Það er skylda að koma með saumadót. Fær enginn að koma inn nema að vera með a.m.k. nál eða prjóna! Nei nei, bara djók. En kannski að Bryndís komi með uppáhalds spilið mitt "Scene it"? Whaddayasay?
Kossar og knús, Hildigunnur.
P.S. Allir að lesa bloggin fyrir neðan frá Mörtu Maríu og Önnu Lísu.

Hildigunnur at 01:33

fimmtudagur, september 07, 2006

Vegamót klukkan 20:45 annað kvöld!

-mæta tímanlega! ;)

Hlakka til að sjá ykkur! :)

Anna Lisa at 20:35

ERU EKKI ALLIR Í STUÐI!!??!!

Já vegna "fjölda" áskorana ætla ég að reyna að vera duglegri að blogga! Lífið gengur sinn vanagang hjá mér, skólinn byrjaður..var skráð í áhugaverða kúrsa fannst mér (mannerfðafræði, aðferðir í sameindalíffræði, tilraunadýr og vísindarannsóknir og svo að lokum frumulíffræði II) en svo eftir fyrstu dagana langaði mig frekar að svissa tveimur af þessum kúrsum út, þ.e. skráði mig í bakteríufræði í stað aðferða í sameindalíffræði og svo í veirufræði í staðinn fyrir mannerfðafræði..líst bara vel á! Svo er svo gaman að þetta tengist náttúrlega sumarvinnunni minni..þar sem ég einmitt kynntist frábærlegu fólki og ég get sagt það að þetta er uppáhalds sumarvinnan sem ég hef unnið hingað til..yndislegt samstarfsfólk, frábær mórall og allt gott sem hægt er að segja um vinnustaðinn! Svo er ég í kúrs með Rannveigu sem var að vinna með mér í sumar, Tilraunadýrakúrsinum, en hún er að byrja í mastersnámi, ótrúlega dugleg stelpan! Næsta mánudag er einmitt fyrsti verklegi tíminn á Keldum...þá eru það mýs...svo næst verða rottur, marsvín og kanínur viðfangsefnið og í síðasta verklega tímanum verður athyglin lögð á hross, sauðfé og fiska..mjög spennandi allt saman! Og þótt ég sé hætt í sumarvinnunni var mér nú boðið á bjórkvöld þar á bæ síðustu helgi, þar var þrusustuð sem endaði á skemmtistað í miðbæ dauðans..djók..:) Þar voru nokkrir gaurar á næsta borði sem ég var ekkert búin að taka eftir fyrr en einn spyr mig á ensku: "where are you from?" og ég segi"I am from Iceland, what about you?" Og hann segir: "I am french..." og þannig lauk samtalinu....ég fer á salernið og þegar ég kem til baka aftur voru þessir sömu gaurar að syngja íslensk bubbalög..hummm en gaman, ljóskan ég! En þetta er bara fyndið! Ég skemmti mér allavena vel og nú erum við stelpurnar í vinnunni að plana staffapartý..og ef mætingin verður góð erum við að plana óvæntar uppákomur..nei ég ætlaði ekki að biðja Damon Albarn að koma að syngja..það myndi nú samt vera gaman...ég einmitt dýrkaði hann hér á árum áður, á ljósmynd af honum fyrir utan laugardalshöllina þegar hann hélt Blur-tónleika hér í denn!

Annars finnst mér búið að vera æðislegt veður hér og ég meira að segja labbaði í háskólann í vikunni, 40 mínútur takk fyrir! Ég meina það er allt hægt þegar maður hefur góða tónlist í eyrunum!

Í dag tók ég líka góðan göngutúr, ætlaði í sund en þar sem ég fór í strípur í gær vildi ég ekki blanda klórnum við gylltu strípurnar (fékk mér líka ljósar sko) því hárgreiðslukonan var búin að segja að mögulega gæti gyllti liturinn dofnað ef ég færi strax eftir strípur..og þegar ég var búin í strípum fór ég í Mondo, hef aldrei keypt mér neitt úr þessari búð enda ekki tímt því..en í gær keypti ég mér voða fínan bol..

Í göngutúrnum mínum í dag hitti ég tvo stráka frá UNICEF, annar þeirra talaði án þess að anda (sagðist hafa verið í MORFÍS) og ég stóð frosinn gjörsamlega, hann byrjaði á því að spurja hvað ég væri að hlusta á (i-podinn skiljiði) en mér fannst þetta full "nærgöngul" spurning svo ég sagði "bara ýmislegt" (var sko að hlusta á þrusulag með U2), en þetta var allt mjög áhugavert og frábært starf sem UNICEF er að vinna en ég ætla að skoða þetta betur á netinu..áhugavert að þeir segja að fólkið sem sýni þeim minnstan áhuga og er alltaf að "flýta sér" eru jakkaklæddu mennirnir..time is money eins og þeir sögðu..þetta fannst mér MJÖG áhugavert og ættu þessi sömu aðilar að staldra aðeins við.

Umhugsunarefni Mörtu Maríu..
Nú fyrir stuttu var talað um að bilið milli ríkra og fátækra á Íslandi er að aukast..það finnst mér ekki gott..viljum við að allt verði eins og í BNA? Ég spyr. Fyrir 10 árum var Ísland meðal þeirra landa þar sem mesti jöfnuður var meðal fólks en nú 10 árum síðan hefur bilið breikkað ANSI mikið..er þetta útaf nokkrum ríkum körlum (sbr. Frjáls verslun) sem brengla tölfræðina eða hvað er að gerast? Kannski getum við haft áhrif á þetta...verum vakandi því maður veit aldrei hvað gerist í lífinu eða í hvaða stöðu maður lendir í !

Jæja, krakkar mínir..verið nú góð hvert við annað...

Marta María at 19:39

þriðjudagur, september 05, 2006

Ingibjörg afmælisbarn!

Til hamingju með afmælið á sunnudaginn, vonandi hafðirðu það gott! :)

Jæja þá er skólinn byrjaður og allt að komast í gang...þessi önn leggst bara ágætlega í mig! Svo vel að ég fór meira að segja á Bókhlöðuna í gærkvöldi og las e-ð af því sem átti að lesa! :) ...sjáum til hve lengi þessi ákefð verður! ;)

Þegar ég skoðaði mbl.is í gærmorgun brá mér við að sjá að “The crocodile hunter”, Steve Irwin var dáinn! Ég veit ekki hversu marga dýralífsþætti ég hef séð með honum og oft horft á hann hjá Jay Leno o.fl.! Ég varð ótrúlega sorgmædd, grínlaust, eins og þetta hafði verið e-r sem ég þekkti! :(

frh. hér að neðan!

Anna Lisa at 22:37

frh.

Við Marta María vorum að tala saman um helgina og eiginlega ákváðum að okkur langaði að fara út að skemmta okkur um næstu helgi! Okkur datt í hug að fara á föstudaginn á Vegamót og fá okkur að borða og mála svo bæinn rauðan eftir það....what do you say??

Allir að láta vita hvort þeir komist svo við getum pantað borð sem fyrst!

Svo er það bara að kjósa Magna í nótt, er það ekki?! ;)

Puss&kram

Anna Lísa

P.s. ég setti inn tengil fyrir nýju myndasíðuna okkar svo nú er engin afsökun fyrir að setja ekki inn myndir! :Þ

Anna Lisa at 22:34