mánudagur, ágúst 11, 2003

Hæ stelpur

Þið verðið að fyrirgefa mér fyrir að skrifa ekki í réttum lit því ég man ekki litanúmerið mitt :( En alla vega þá er þetta örugglega ekki það sem þið viljið heyra. Ég er sem sagt búin að vera núna viku í Bandaríkjunum og so far so good. Æfingarnar eru samt mjög erfiðar og ofaná bætist að það er rosalega heitt og rakt hérna. Allar stelpurnar í liðinu eru samt alveg æðislegar og taka á móti öllum nýjum leikmönnum með opnum örmum. Ég flutti inn á heimavistina í gær. Þetta er herbergi fyrir þrjá en ég er hér ein núna því að herbergisfélagar mínir eru ekki í fótboltaliðinu svo að þær koma ekki fyrr en eftir svona viku. Ég bara færði allt eins og ég vildi hafa það og valdi mér rúm og skápa og svo verða þær bara að sætta sig við hitt ;) Þetta er mjög lítið herbergi en það er mjög huggulegt svo að ég kvarta ekki.
Það er allt hérna á skólalóðinni sem þú þarft; banki, hárgreiðslustofa, sjoppa, kaffihús og hvaðeina. � rauninni þyrfti maður ekkert að labba fleiri en nokkur skref til að fá allar nauðsynjar. En það gengur strætó frá skólanum á 10 mínútna fresti niður í neðanjarðarlestina og margar í liðinu eiga bíla svo að ef maður þarf að fara eitthvert þá er það ekkert mál.
� gærkvöldi fór ég út að borða með nokkrum fótboltastelpum og strákum og búið var að ákveða að fara á Hooters áður en ég hitti þau en ég var alveg til í að prófa það (þjónarnir eru allar kvennkyns og í mjög stuttum hjólabuxum og flegnum bol fyrir þá sem vita það ekki) Þetta var samt vægast sagt mjög sérstakur staður. Svo var einum þjóninum sagt að ein stelpan ætti afmæli og þá var hún látin standa upp á stól og leika kjúkling, það var frekar fyndið. En annars mæli ég ekkert sérstaklega með þessum stað því að maturinn var allt annað en góður en þetta var þó sérstök upplifun.
En látum þetta vera nóg frá Bandaríkjunum í bili.
Bið að heilsa öllum á �slandi =)

P.S. Er ekkert búin að blogga fyrr því ég fékk bara internetið áðan!!
Inga at 19:30