fimmtudagur, nóvember 25, 2004
Elsku krúsídúllurnar mínar.
Það mætti halda að krúsídúlla væri eitthvað fínt orð fyrir píku í ljósi allra saumaklúbbanafna núorðið. Allir verða samt að byrja að hugsa nafn fyrir nafnasamkeppnina og það er ekki skylda að það sé tengt kynfærum okkar en það má alveg ef þið endilega viljið!
Annars ætlaði ég að segja ykkur að ég er með heimasíðu sem ég var að búa til fyrir skólann. Hún er um jólin og þið megið endilega kíkja á hana.
Eitt enn! Hverjir vilja koma í bíó á laugardaginn klukkan 10 á Bridget Jones??? eða hentar einhver annar tími betur?
Látið heyra fljótt í ykkur
Óska
Ósk at 21:23
þriðjudagur, nóvember 23, 2004
Jæja...
Frábært að vera komin með myndasíðu! :) Nú verð ég að fara að skanna inn myndir þar sem ég er enn svo gamaldags að vera ekki með digital-vél...er reyndar soldið farin að vilja fá svoleiðis.
Fréttuð þið af eldinum í gær? Þetta var ekkert smáræði, ég var hjá Hannesi sem býr ekkert voða langt frá og strákurinn sem býr niðri kallaði til okkar að loka gluggum því það hefði kviknað e-s staðar við Kleppsveginn og við litum út um gluggann og við sáum kolsvartan reykjamökk! Ég hugsaði strax að það hefði kviknað í e-i blokk á Kleppsveginum og var eiginlega í sjokki en svo var þetta verksmiðja...sem betur fer! Við heyrðum í löggunni aðeins seinna þar sem hún sagði "íbúar ath, lokið gluggum og búið ykkur undir brottflutning". Við reiknuðum nú samt með því að það ætti ekki við okkur þar sem við vorum frekar langt frá! Ásgerður þú hefur örugglega orðið meira vör við þetta en ég því þú varst miklu nær, ikke?!
Það er alltaf sama fjörið í vinnunni minni, nú er svona búálfaleikur í gangi þar sem hver og einn dregur nafn og svo á maður bæði að hrekkja og vera góður í 2 vikur þar til á jólaskemmtuninni 3.des. Ýkt gaman! :) Ég er einmitt í skemmtinefnd fyrir skemmtunina þ.a.ef þið eruð með hugmyndir af e-m skemmtilegum partýleik þá endilega látið mig vita! :) ...ég er farin að hugsa svoooo mikið um það hvað það verður leiðinlegt að hætta um áramótin því þetta er besta vinna í heimi og það hefur pottþétt áhrif á það hvað mér finnst gaman hvað það eru frábærar stelpur/konur að vinna með mér, sérstaklega mín deild,vá! :D
Við, Bryndís og Ósk vorum að ræða það um daginn að saumaklúbbinn okkar vantar e-ð gott nafn þ.a. leggið höfuðið í bleyti og við efnum til nafnasamkeppni í næsta saumó ...eða allavega fljótlega! Líst ykkur ekki vel á það?!?
Jæja skvísur...bleble!
Anna Lisa at 18:06
Hallochen!
Ég staðfesti hér með að það eru komnir linkar á myndasíðurnar, bæði þá gömlu og einnig þá nýju, hér til hliðar undir dægradvöl. Njótið vel. Einnig hefur ný dagskrárliður litið dagsins ljós en það er dálkurinn "Útlendingar" þar sem nöfn félaga fjarri góðu gamni verða birt. Þess vegna væri gott ef að fólk segði mér frá hugsanlegum utanferðum og heimkomum. Takk fyrir.
P.S. er nýi bloggstíllinn minn, sem ég kýs að kalla "talað við ókunnuga árið 1917", ekki að gera góða hluti?
Kristín at 16:18
mánudagur, nóvember 22, 2004
Smá pikkles
Myndasíðan sem við bjuggum til var með frekar litlu plássi þannig að hún er núna full! Bjó til nýja hið snatrasta á annarri síðu þar sem hægt er að vera með fleiri myndir! Það er sama password og á hinni en núna er user nameið MRfriends2!!
Hér er nýja myndasíðan
Bryndis Julia at 18:19
sunnudagur, nóvember 21, 2004
Miklar fréttir
Jæja blogstelpur! Stór tíðindi hér á ferð!! Hehe...búin að gera ykkur ýkt spenntar!! :) Ég vildi bara láta ykkur stöllur vita að ég, Anna Lísa og Ósk tókum okkur til í gærkveldi og stofnuðum myndasíðu fyrir saumaklúbbinn! Hér læt ég fylgja slóðina til að skoða (og svo setur Kristín hana hér til hliðar, ekki satt??)! Annars eru ekki komnar neinar myndir ennþá!! Af öryggisástæðum ætla ég bara að senda ykkur e-mail með login nafninu og passwordinu!! :)
Vona svo bara að sem flestar setji sem flestar myndir af sem flestu skemmtilegu!!!
Myndir af besta fólkinu!
Bryndis Julia at 20:43
þriðjudagur, nóvember 16, 2004
Snjór! :D
Vá hvað veðrið er æðislegt úti! Mér er sko alveg sama þó að Létt og fleiri stöðvar séu byrjaðar að spila jólalög því ég er bara komin í þetta fínasta jólaskap...byrjuð að jólaföndrast og svona á leikskólanum þ.a. það skemmir ekki fyrir! :)
Mamma kom og sótti mig í vinnuna áðan, venjulega erum við 5-7 mín. að keyra heim en núna vorum við rúmlega 20 mínútur takk kærlega fyrir! Umferðin gekk svo hægt vegna þess það hellisnjóaði og það var hálka en ég sat sko brosandi alla ferðina heim og langaði mest að fara í snjókast með litla bróður mínum og vinum hans þegar ég kom heim...(hmmm ég hefði kannski átt að taka tilboðinu þarna um árið Bryndís! ;)) En leiðinlegt fyrir ykkur sem viljið bara fá snjóinn yfir jólin þá heyrði ég í veðurfréttum að snjórinn er kominn til að vera í e-n tíma...vííí! Ég elska að vinna á leikskóla og vera með afsökun fyrir því að leika mér í snjónum, ég ætla sko pottþétt að fara á snjóþotu á morgun...maður þarf nottla að sitja með þessi kríli niður brekkurnar! :D
Vildi bara svona deila gleði minni með ykkur :)
Anna Lisa at 20:00
mánudagur, nóvember 01, 2004
Kræklingakvöld...
Jæja hvernig var í bústaðnum?góð mæting? Allavena, fyrir utan það að vera að vinna um helgina þá fór ég á svokallað kræklingakvöld hjá líffræðiskor í skólanum laugardagskvöldið og það var svaka fjör! Þetta er svona "mini-árshátíð" líffræðinema. Þegar við mættum fengum við fordrykk, svo var önd í forrétt (sem átti að vera eins og hrá og þ.a.l. var ég ekki OF hrifin af því) og í aðalrétt KRÆKLINGAsúpa;) hún var svona alltílæ, svo var rauðvín með matnum og Haxa-bolla! Ég skemmti mér mjög vel en þurfti því miður að yfirgefa fjörið rúmlega 1 því ég þurfti að mæta í vinnu morguninn eftir.....og þá var ég líka ansi þreytt og búin að missa röddina en hún kom fljótlega aftur....Og svo eru það kosningarnar í USA á morgun, áfram Kerry!! Styðja ekki allir örugglega Kerry?
Við sjáumst...;)
Marta María at 10:41