Þá er ég búin að stíga á danska grundu í fyrsta skiptið. Við mæðgurnar höfðum það náttúrlega ósköp notalegt í þessari fyrstu og ekki síðustu "kvennaferð" okkar.
Flugferðin út gekk vel fyrir sig fyrir utan smá ókyrrð og bankandi hljóð sem ég var farin að hafa áhyggjur af áður en vélin tók á loft..en það hvarf sem betur fer og ég var ekki eina í flugvélinni sem var farin að spá alvarlega í þessu hljóði því ungt par aðeins framar spurði flugfreyju hvort þetta væri eðlilegt..ok ég er ekki ein um að vera paranoid;)
Hótelið okkar var á frábærri staðsetningu, við löbbuðum smá og þá vorum við komnar á Strikið þar sem við eyddum dágóðum tíma. Af öðrum búðum að frétta þá fórum við í Field´s verslunarmiðstöðina. Vegalengdin þangað er svona hálf leiðin að Kastrup flugvelli, svo þegar við mæðgurnar vorum búnar að ganga rösklega í þrjú kortér í áttina að Field´s þá ákváðum við að taka strætó. Frekar fúli strætóbílstjórinn ætlaði svo að láta okkur vita þegar við værum komnar..en hann gerði það ekki og þurfti þess ekki því merkið FIELD´S með STÓRUM STÖFUM á STÓRU húsi gat ekki farið framhjá nokkrum lifandi manni og engum túrista..
En svo gerðum við ýmislegt til að kynnast borginni betur. Við fórum í sívala turninn í miðbænum og fengum þetta fína útsýni yfir borgina, fórum að höllinni og horfðum á vaktaskiptin, kíktum inn í Frúarkirkjuna og fórum í frábæra eftirmiðdagssiglingu frá Nyhavn sem sigldi um síki og hafnir Kaupmannahafnar með leiðsögn og ég varð miklu fróðari eftir þá siglingu, mæli með svoleiðis:)
Svo fórum við út að borða á skemmtilegum veitingastöðum. Fórum á einn ítalskan stað á bakvið Frúarkirkjuna sem nokkrir voru búnir að mæla með. Þar var ansi hress þjónn sem var að setja ólívuolíu á disk fyrir hvern og einn til að dífa brauði í..og þegar hann kom að mínum disk þá teiknaði hann hjarta hahahaha..en maturinn var góður og þjónustan góð;)
En ég verslaði nú ekkert rosalega, fannst HM búðin á Strikinu leiðinlegasta HM-búð sem ég hef komið í...so sorry...gangar og tröppur upp og niður og maður gat ekkert skipulagt sig hvað maður væri búinn með...
En ferðin var frábær og ég var hrifin af borginni:)
Jæja stúlkur, þá er komið að því að hleypa heimdraganum (segir maður ekki örugglega svona?) og skella sér í bústað um helgina. Það er orðið nokkuð víst - eins víst og það getur orðið á þessu stigi málsins - að við fáum afnot af bústaðnum þannig að það má opinberlega byrja að hlakka til núna ;) Förum á laugardegi og komum heim á sunnudegi, nánari tímasetningar ekki í boði í bili. Ef það er e-ð sérstakt sem þið viljið gera þá endilega látið mig vita, annars höfðum við skemmtinefndarstelpur bara hugsað okkur notalegheit og kannski smá ekkisvomikilnotalegheit í einhverju spili. Nánari upplýsingar ættu að koma fram hér eða þá að við sendum ykkur sms þegar nær dregur.
Í svona veðri eins og var í dag get ég ekki annað en hugsað um að fara til útlanda...
Sumarbústaðaferð - seinni partur
Sumarhúsaferð!
Silvia, Rudiger, Biggi og fleiri...hress...
Rudiger var aðalmaður hátíðarinnar...en "Hvar er Marta?!"..(undir lærinu á Rudiger hahahaha)
..það var mikið hlegið!! og álfahatturinn frægi að detta af mér..:)
Love you og endilega verið dugleg að kvitta ef þið eruð að lesa;)
